SpèlChèk pa Papiamentu ta un kontrografia di papiamentu ku ta funshoná ku Microsoft® Office. E kontrografia akí, na e momento akí, ta disponibel tantu pa Windows® (PC) komo OS X® (Mac). E kontrografia ta hasi uso di un lista nobo ekstenso di palabra papiamentu, ku tabata na enkargo di Fundashon pa Planifikashon di Idioma, Traducciones Joubert i De ComputerClub Curaçao. E lista akí ta inkluí "Lista di palabra, Papiamentu, Buki di oro".
Lo adaptá e lista akí regularmente. Si e usadó ta online lo e haña informashon tokante updatenan.

SpèlChèk pa Papiamentu ta optenibel pa Microsoft® Office 2010 & 2013 (SpèlChèk 2.0) i Microsoft® Office 2016 (SpèlChèk 2.5) pa PC i pa Microsoft® Office 2011 pa Mac. SpèlChèk 2.5 no ta funshoná ku vershonnan di Office 32 bits bou di vershonnan 64 bits di Windows. Despues ku instal'é, por kontrolá eror ortográfiko den teksto na papiamentu ku ta den Word, Powerpoint® en Excel®.

Por kumpra SpèlChèk via e wèpsait akí. Tambe e ta optenibel riba un cd-rom na ofisina di FPI, Jan Noorduynweg z/n (edifisio banda di Cost-U-Less), Kòrsou, tel +5999 8691159, na librerianan i na sierto lugánan ku ta bende kòmpiuter na Kòrsou i Boneiru.

Pa kumpra SpèlChèk online i bah'é, klek riba "Bestèl awor". E or'ei ta pidi bo habri un kuenta pa e wèpsait akí. Bo ta haña un mail pa konfirmá bo e-mail adrès. Si bo no a risibí e mail akí wak den bo folder di spam, pasobra sierto filternan di spam por mira e mail akí inhustamente komo spam. Despues bo por duna e kantidat deseá i paga pa SpèlChèk ku bo tarheta di krédito. Despues bo por skohe bo vershon i baha e fail di instalashon. Bo ta haña un kódigo personal di lisensia, pa medio di kua bo por instalá e aplikashon e kantidat di biaha ku bo a skohe.
E vershon akí ta traha solamente riba kòmpiuternan stand-alone. Pa e preisnan di lisensia di empresa por fabor tuma kontakto ku FPI.

Si bo ke kontrolá ortografia riba un PC, skohe "Papiamentu" for di e lista di idiomanan disponibel.

Si bo ke hasi mésun kos riba un Mac, bo tin ku skohe "Galician" òf "Galisisch" for di e lista di idioma. Esaki pasobra e lista di Mac ta limitá i papiamentu no ta den dje.

Pa mas informashon tuma kontakto ku FPI, Jan Noorduynweg z/n (edifisio banda di Cost-U-Less), Curaçao, tel. +5999 8691159, e-mail spelchekpapiamentu@gmail.com, wèpsait www.fpi.cw